2023માં ટીમ ઈન્ડિયાઃ ટીમ ઈન્ડિયાએ આ વર્ષે કુલ 66 આંતરરાષ્ટ્રીય મેચ રમી છે. જેમાં ક્રિકેટના ત્રણેય ફોર્મેટની મેચોનો સમાવેશ થાય છે. જાણો અહીં કયા ખેલાડીઓને સૌથી વધુ તકો મળી છે..
શુભમન ગિલ આ વર્ષે ટીમ ઈન્ડિયા માટે સૌથી વધુ આંતરરાષ્ટ્રીય મેચ રમ્યો છે. ગિલે કુલ 48 મેચોમાં ભાગ લીધો છે. અહીં તેણે 2128 રન બનાવ્યા છે.
આ મામલે સૂર્યકુમાર યાદવ બીજા સ્થાને છે. સૂર્યાએ આ વર્ષે 40 આંતરરાષ્ટ્રીય મેચ રમી છે. આ દરમિયાન તેણે 1130 રન બનાવ્યા હતા.
સ્પિનર કુલદીપ યાદવ અહીં ત્રીજા સ્થાને છે. કુલદીપે આ વર્ષે 39 મેચોમાં ભાગ લીધો હતો. અહીં તેણે 63 વિકેટ ઝડપી હતી.
અહીં રોહિત શર્મા, વિરાટ કોહલી અને રવિન્દ્ર જાડેજા ચોથા સ્થાને છે. આ ત્રણેય ખેલાડીઓએ આ વર્ષે 35-35 મેચ રમી છે. વિરાટે 1972 રન, રોહિતે 1800 રન અને રવિન્દ્ર જાડેજાએ 613 રન બનાવ્યા હતા. અહીં વિરાટ અને રોહિતને એક-એક અને જાડેજાને 66 વિકેટ મળી હતી.
આ યાદીમાં મોહમ્મદ સિરાજ પણ સામેલ છે. સિરાજે આ વર્ષે કુલ 34 મેચોમાં ભાગ લીધો હતો. આ દરમિયાન તેણે 60 વિકેટ ઝડપી હતી.
