Vastu Tips: વાસ્તુશાસ્ત્રમાં ઊર્જાનું વિશેષ મહત્વ છે. વાસ્તુમાં સૌભાગ્ય મેળવવાના ઘણા ઉપાયો જણાવવામાં આવ્યા છે. આ ઉપાયો કરવાથી ઘરમાં સકારાત્મક ઉર્જા આવે છે, નોકરી સંબંધિત સમસ્યા પણ દૂર થાય છે. ઇચ્છિત નોકરી અને કારકિર્દીમાં સફળતા મેળવવા માટે વાસ્તુમાં ઘણા ઉપાયો જણાવવામાં આવ્યા છે.આજે અમે તમને આ ઉપાયો વિશે જણાવીશું.
નોકરી માટે વાસ્તુ ટિપ્સ
ઉત્તર દિશાને કુબેરની દિશા માનવામાં આવે છે. જો તમને નોકરી ન મળી રહી હોય તો તમારે ઘરની ઉત્તર દિવાલ પર અરીસો લગાવવો જોઈએ. ધ્યાન રાખો કે આ અરીસો એટલો મોટો હોવો જોઈએ કે તમારું આખું શરીર જોઈ શકાય. વાસ્તુના આ ઉપાય કરવાથી વ્યક્તિને જલદી નોકરી મળે છે.
ઘરનું મધ્ય સ્થાન બ્રહ્મ સ્થાન છે. તેને ભગવાન બૃહસ્પતિનું સ્થાન પણ માનવામાં આવે છે. જો ગુરુની સ્થિતિ મજબૂત હોય તો કરિયરમાં ઘણી પ્રગતિ થાય છે.આ જગ્યા ખાલી રાખવાથી કરિયરમાં ફાયદો થાય છે.
નોકરી માટે રુદ્રાક્ષ ધારણ કરવો પણ શ્રેષ્ઠ વિકલ્પ માનવામાં આવે છે. નોકરી મેળવવા માટે એક મુખી, દસ મુખી કે અગિયાર મુખી રુદ્રાક્ષ ધારણ કરવાની સલાહ આપવામાં આવે છે. ધ્યાન રાખો કે જે લોકો માંસ અને દારૂનું સેવન કરે છે તેમણે રુદ્રાક્ષ ધારણ ન કરવું જોઈએ.
તમારા બેડરૂમમાં વધુ ને વધુ પીળા રંગનો ઉપયોગ કરો. પીળો રંગ ભગવાન બૃહસ્પતિ અને ભગવાન વિષ્ણુને ખૂબ પ્રિય છે. આ બંને દેવતાઓના આશીર્વાદ મેળવવાથી રોજગારનો માર્ગ મોકળો થાય છે.
વાસ્તુ અનુસાર લાલ રંગ હંમેશા શુભ ફળ આપે છે. જ્યારે પણ તમે નોકરી માટે ઈન્ટરવ્યુ આપવા કે પરીક્ષા આપવા જાઓ ત્યારે લાલ રંગનો રૂમાલ તમારી સાથે રાખો. તે દિવસે લાલ રંગના કપડાં પહેરવાનો પ્રયાસ કરો. આનાથી તે પરીક્ષા કે ઇન્ટરવ્યુમાં સફળતા મળવાની શક્યતા વધી જાય છે.
જ્યારે પણ તમે નોકરી માટે પરીક્ષા આપવા અથવા ઈન્ટરવ્યુ આપવા માટે બહાર જાવ ત્યારે હંમેશા ગણપતિની પૂજા કરીને ઘરની બહાર નીકળો. તે દિવસે ગણપતિને સોપારી ચઢાવો અને તેને પ્રસાદ તરીકે પણ સ્વીકારો. વાસ્તુશાસ્ત્રમાં તેને ખૂબ જ શુભ માનવામાં આવે છે.
