નોબેલ પારિતોષિક વિજેતા ભૌતિકશાસ્ત્રી પીટર હિગ્સ, જેમના બ્રહ્માંડમાં અજાણ્યા કણની થિયરીએ વિજ્ઞાનને બદલી નાખ્યું હતું, તેમનું 94 વર્ષની વયે અવસાન થયું છે. એડિનબર્ગ યુનિવર્સિટી દ્વારા આ માહિતી આપવામાં આવી છે.
યુનિવર્સિટી ઓફ એડિનબર્ગ, જ્યાં હિગ્સ ઘણા વર્ષો સુધી પ્રોફેસર તરીકે રહ્યા હતા, તેમણે જણાવ્યું હતું કે બીમારી બાદ સોમવારે ઘરે શાંતિપૂર્ણ રીતે તેમનું અવસાન થયું હતું.
તેમના મૃત્યુ વિશે માહિતી આપતા એડિનબર્ગ યુનિવર્સિટીએ જણાવ્યું કે પીટરે બીમારી બાદ સોમવારે તેમના ઘરે અંતિમ શ્વાસ લીધા. તે એ જ યુનિવર્સિટીમાં એમેરેટસ પ્રોફેસર હતા. યુનિવર્સિટીએ તેમને એક મહાન શિક્ષક, માર્ગદર્શક અને યુવા વૈજ્ઞાનિકોની પેઢીઓ માટે પ્રેરણારૂપ ગણાવ્યા. તેમના પરિવારે મીડિયા અને લોકોને પણ આ સમયે તેમની ગોપનીયતાનું સન્માન કરવાની અપીલ કરી હતી.
બ્રિટનના પીટર હિગ્સ અને બેલ્જિયમના ફ્રાન્કોઈસ એન્ગલર્ટે 2013નું ભૌતિકશાસ્ત્રમાં નોબેલ પુરસ્કાર જીત્યો હતો. બંને વૈજ્ઞાનિકોએ અણુ કરતાં નાના કણોના સમૂહને સમજાવવાની પ્રક્રિયાની સૈદ્ધાંતિક શોધ કરી હતી. 1960 માં, હિગ્સે બ્રહ્માંડમાં મૂળભૂત પદાર્થોની રચના માટે એક પ્રક્રિયા સૂચવી. તેમણે આ પ્રક્રિયામાં હિગ્સ બોસોન નામના કણની આગાહી કરી હતી.
