National News: તમે વરસાદ બનાવવા માટે ક્લાઉડ સીડિંગનો ઉપયોગ કરવાનું સાંભળ્યું જ હશે. પરંતુ ઇન્ડોનેશિયા પૂર પ્રભાવિત વિસ્તારોમાં વધુ વરસાદને રોકવા માટે ક્લાઉડ સીડિંગનો ઉપયોગ કરી રહ્યું છે.
હકીકતમાં, ઈન્ડોનેશિયાના સુમાત્રા ટાપુ પર ભારે વરસાદને કારણે અચાનક આવેલા પૂરને કારણે 67 લોકોના મોત થયા હતા અને 20 લોકો ગુમ થઈ ગયા હતા. આ દરમિયાન 44 લોકો ઘાયલ પણ થયા છે. પૂરના કારણે અનેક મકાનો પાણીમાં વહી ગયા હતા. જેના કારણે 1500 પરિવારોને કામચલાઉ આશ્રયસ્થાનોમાં જવાની ફરજ પડી છે.
સરકાર દ્વારા રાહત કામગીરી કરવામાં આવી રહી છે, પરંતુ હવામાન વિભાગે વધુ વરસાદની સંભાવના વ્યક્ત કરી છે. રાહત કાર્ય અવરોધાય તેવી દહેશત છે. તેનાથી બચવા માટે અધિકારીઓ ક્લાઉડ સીડીંગ પદ્ધતિનો ઉપયોગ કરીને પૂર પ્રભાવિત વિસ્તારોમાં વરસાદને આગળ વધારવાનો પ્રયાસ કરી રહ્યા છે. આ માટે બુધવારે વાદળો પર મોટા પ્રમાણમાં સોડિયમ ક્લોરાઇડનો છંટકાવ કરવામાં આવ્યો હતો.
ઈન્ડોનેશિયામાં ભારે વરસાદને કારણે વારંવાર ભૂસ્ખલન અને પૂરની સમસ્યાનો સામનો કરવો પડે છે. પહાડો પરથી આવતા કાટમાળના કારણે નજીકમાં રહેતા લોકોને મુશ્કેલીનો સામનો કરવો પડે છે.
