બેંગલુરુમાં મંગળવારે બનેલી ડબલ મર્ડર કેસમાં પોલીસે ત્રણ લોકોની ધરપકડ કરી છે. મંગળવારે બેંગલુરુમાં એક આઘાતજનક ઘટના પ્રકાશમાં આવી, જેમાં એક ટેક કંપનીના મેનેજિંગ ડિરેક્ટર (MD) અને ચીફ એક્ઝિક્યુટિવ ઓફિસર (CEO)ની હત્યા કરવામાં આવી હતી. મૃતકોની ઓળખ ફણીન્દ્ર સુબ્રમણ્યમ, એમડી અને એરોનિક્સ મીડિયા પ્રાઈવેટ લિમિટેડના સીઈઓ વીનુ કુમાર તરીકે થઈ છે.
પૂર્વ કર્મચારીએ તેના બે સાથીદારો સાથે મળીને આ ગુનાને અંજામ આપ્યો હતો
પોલીસના જણાવ્યા અનુસાર, એક ભૂતપૂર્વ કર્મચારી તેના બે સાથીઓ સાથે કેબિનમાં ઘૂસી ગયો હતો અને તલવારથી હુમલો કર્યો હતો, જેમાં બંને અધિકારીઓની હત્યા કરી હતી. હત્યાના સમાચારથી વિસ્તારમાં ચકચાર મચી ગઈ હતી. ડબલ મર્ડરના મુખ્ય આરોપીની ઓળખ ફેલિક્સ તરીકે થઈ છે, જે એરોનિક્સનો ભૂતપૂર્વ કર્મચારી હતો. ઘટના બાદ તરત જ પોલીસને જાણ કરવામાં આવી હતી.
