ઓસ્કાર એવોર્ડ 2024ની જાહેરાત કરવામાં આવી છે. 96માં એકેડેમી એવોર્ડ સમારોહમાં ઓસ્કાર જીતવાનું ઘણા કલાકારો, દિગ્દર્શકો અને અન્ય કલાકારોનું સપનું પૂરું થયું. ભારત પર આધારિત કેનેડિયન ડોક્યુમેન્ટ્રી ‘ટુ કિલ અ ટાઈગર’ને ઓસ્કાર એવોર્ડ્સ 2024 માટે ફીચર ફિલ્મ કેટેગરીમાં નોમિનેટ કરવામાં આવી હતી. જોકે, તે એવોર્ડ જીતવામાં નિષ્ફળ રહી હતી. કેનેડિયન ફિલ્મ નિર્માતા નિશા પાહુજાએ તેનું નિર્દેશન કર્યું છે. તમામ ભારતીયોની નજર આ ડોક્યુમેન્ટરી પર ટકેલી હતી, પરંતુ આ ડોક્યુમેન્ટરી ઓસ્કાર જીતવામાં સફળ રહી નથી.
આ કેટેગરીમાં વિશ્વભરની પાંચ ડોક્યુમેન્ટ્રીને નોમિનેટ કરવામાં આવી હતી, જેમાં ઓસ્કાર-નોમિનેટેડ ડોક્યુમેન્ટ્રી ટુ કીલ અ ટાઈગરનો સમાવેશ થાય છે, જેમાં પ્રિયંકા ચોપરા એક્ઝિક્યુટિવ પ્રોડ્યુસર તરીકે હતી. બોબી વાઈન ધ પીપલ્સ પ્રેસિડેન્ટ, ધ એટરનલ મેમરી, ફોર ડોટર્સ એન્ડ 20 ડેઝ ઈન મેરીયુપોલ જેવી ફિલ્મો સાથે ‘ટુ કીલ અ ટાઈગર’ને બેસ્ટ ડોક્યુમેન્ટરી ફીચર ફિલ્મ કેટેગરીમાં નોમિનેટ કરવામાં આવી હતી. આ તમામ ડોક્યુમેન્ટરી ફિલ્મોને હરાવીને, ’20 ડેઝ ઇન મેરીયુપોલ’ને શ્રેષ્ઠ ડોક્યુમેન્ટરી ફીચર ફિલ્મનો ઓસ્કાર મળ્યો છે.
ટાઈસ્લો ચેર્નો, મિશેલ મિઝનર રેની એરોન્સન-રથ દ્વારા ડોક્યુમેન્ટ્રી ’20 ડેઝ ઇન મેરીયુપોલ’નું નિર્માણ કરવામાં આવ્યું છે. ‘ટુ કિલ અ ટાઈગર’ વિશે વાત કરીએ તો, દિલ્હીમાં જન્મેલી કેનેડિયન ફિલ્મ નિર્માતા નિશા પાહુજા દ્વારા નિર્દેશિત આ ડોક્યુમેન્ટરી નેટફ્લિક્સ પર ઉપલબ્ધ છે.
આ ડોક્યુમેન્ટરી ઝારખંડના એક પરિવારના જીવન પર આધારિત છે. આ એક પિતાની ન્યાય માટે લડતની વાર્તા છે જ્યારે તેની 13 વર્ષની પુત્રી પર તેના ત્રણ સંબંધીઓ દ્વારા જાતીય હુમલો કરવામાં આવે છે. તે બળાત્કારના આરોપીની ધરપકડ કરે છે.
‘ટુ કિલ અ ટાઈગર’ને વિશ્વભરના વિવિધ ફિલ્મ ફેસ્ટિવલમાં 24 એવોર્ડ મળ્યા છે. 2023 માં, નિશા પાહુજાને કેનેડાના એક્સેલન્સ ઇન ડોક્યુમેન્ટરી એવોર્ડના ડિરેક્ટર્સ ગિલ્ડથી નવાજવામાં આવ્યા હતા. પ્રિયંકા ચોપરા આ ડોક્યુમેન્ટરી સાથે એક્ઝિક્યુટિવ પ્રોડ્યુસર તરીકે જોડાયેલી છે. 2022 માં, તેણે ટોરોન્ટો ફિલ્મ ફેસ્ટિવલમાં પ્રથમ વખત આ ડોક્યુમેન્ટરી જોઈ. તે આનાથી ખૂબ પ્રભાવિત થઈ હતી.
