ગુરુવારે પશ્ચિમ બંગાળના હાવડામાં એક કારે કાબૂ ગુમાવ્યો અને પોલીસ પેટ્રોલિંગ વાહન સાથે અથડાઈ. આ અકસ્માતમાં બે પોલીસકર્મીઓના મોત થયા હતા અને અન્ય ત્રણ ઘાયલ થયા હતા. આ ઘટના નેશનલ હાઈવે 16 પર બગનન પોલીસ સ્ટેશન પાસે બરુંડા વિસ્તારમાં બની હતી. પોલીસે જણાવ્યું હતું કે, પોલીસ પેટ્રોલિંગ કરતી કાર હાઇવેની બાજુમાં ઉભી હતી ત્યારે એક ઝડપી કારે પોલીસની કારને ટક્કર મારી હતી. અથડામણ બાદ આરોપી સ્થળ પરથી ફરાર થઈ ગયો હતો.
માહિતી મળતા જ પોલીસ ઘટનાસ્થળે પહોંચી અને ઘાયલ પોલીસકર્મીઓને નજીકની હોસ્પિટલમાં લઈ ગઈ. અકસ્માતમાં ગંભીર રીતે ઘાયલ થયેલા સબ-ઇન્સ્પેક્ટર સુજોય દાસ (45 વર્ષ) અને હોમગાર્ડ પલાશ સામંત (31 વર્ષ)નું મૃત્યુ થયું હતું. અકસ્માતમાં ઘાયલ થયેલા ડ્રાઈવર અને બે હોમગાર્ડ કોલકાતાની SSKM હોસ્પિટલમાં સારવાર હેઠળ છે. પોલીસે આરોપી કાર ચાલકની શોધખોળ શરૂ કરી છે.
