વોટ્સએપે થોડા દિવસો પહેલા એક ફીચર બહાર પાડ્યું છે જેનો ઉપયોગ કરીને અજાણ્યા નંબરો પરથી કોલ ડિફોલ્ટ રૂપે સાઈલન્સ કરી શકાય છે. વાસ્તવમાં, અજાણ્યા નંબરો પરથી આવતા વોટ્સએપ કોલને કારણે લોકો ખૂબ જ પરેશાન હતા, જોકે યુઝર્સને તેની સૂચના મળશે અને જો યુઝર્સ ઈચ્છે તો આ કોલ્સને એપના કોલ લિસ્ટમાં જોઈ શકે છે.
આ સ્થિતિ માત્ર ભારતમાં જ નહીં પરંતુ વિશ્વના અનેક દેશોમાં બની હતી. આ પછી મેટાના સીઈઓ માર્ક ઝકરબર્ગે આ ફીચર લોન્ચ કર્યું છે. આ એક પ્રકારની સુરક્ષા સુવિધા છે. વોટ્સએપનું આ ફીચર ભલે લોન્ચ થઈ ગયું હોય, પરંતુ તમારે તેને જાતે જ ઓન કરવું પડશે. આજના અહેવાલમાં અમે તમને આ વિશે જણાવવા જઈ રહ્યા છીએ. આવો જાણીએ…
વોટ્સએપ પર અજાણ્યા નંબરને કેવી રીતે સાયલન્સ કરવો
- સૌથી પહેલા તમારું WhatsApp અપડેટ કરો.
- આ પછી WhatsApp ખોલો.
- હવે સેટિંગ્સમાં જાઓ.
- અહીં તમારે ‘પ્રાઇવસી’ના વિકલ્પ પર ક્લિક કરવાનું રહેશે.
- હવે ‘કોલ્સ’ના વિકલ્પ પર ક્લિક કરો.
- અહીં તમને ‘Silence unknown callers’નો વિકલ્પ દેખાશે.
- આ સેટિંગ ચાલુ કરો.
- આ પછી, તમારા વોટ્સએપ નંબર પર અજાણ્યા નંબરોથી આવતા કૉલ્સ શાંત થઈ જશે.
