WhatsAppએ ગયા વર્ષે ચેનલ્સ ફીચર રજૂ કર્યું હતું, જે બ્રોડકાસ્ટિંગ ટૂલનો નવો અવતાર છે. તેના લોન્ચ થયા બાદથી જ WhatsApp ચેનલ માટે ઘણા નવા ફીચર્સ લોન્ચ કરવામાં આવ્યા છે. હવે WhatsApp તેની ચેનલ માટે ઘણા નવા ટૂલ્સ રજૂ કરી રહ્યું છે. આ માહિતી Meta CEO માર્ક ઝકરબર્ગે આપી છે.
વોટ્સએપમાં વોઈસ નોટ્સ, સિમ્પલ એડમિન ઉપરાંત સ્ટેટસ શેરિંગ અને પોલ જેવા ફીચર્સ આવવાના છે. નવા ફીચર્સ આવ્યા બાદ લોકો વોટ્સએપ ચેનલનો ઉપયોગ પહેલા કરતા વધુ સારી રીતે કરી શકશે.
Voice Updates: આ ફીચરની ચેનલ માટે ઘણા સમયથી માંગ કરવામાં આવી રહી હતી. આ ફીચર આવ્યા બાદ વોટ્સએપ ચેનલ એડમિનિસ્ટ્રેટર્સ વોઈસ નોટ મોકલી શકશે. વોટ્સએપે દાવો કર્યો છે કે તેના પ્લેટફોર્મ દ્વારા દરરોજ 7 અબજ વોઈસ નોટ્સ મોકલવામાં આવી રહી છે.
Polls: વોટ્સએપ પર નિયમિત ચેટ માટે પોલ ફીચર લાંબા સમયથી છે, પરંતુ હવે તેને ચેનલ પર પણ લાવવામાં આવી રહ્યું છે. આ ફીચરની રજૂઆત બાદ ચેનલ સાથે જોડાયેલા તમામ ફોલોઅર્સ તરફથી કોઈપણ મુદ્દા પર વોટિંગ કરી શકાશે.
Share to Status: આ ફીચરની રજૂઆત બાદ ફોલોઅર્સ તેમની ફેવરિટ ચેનલનું સ્ટેટસ તેમના સ્ટેટસ પર શેર કરી શકશે.
Multiple Admins: નવા ફીચરની રજૂઆત બાદ એક જ વોટ્સએપ ચેનલ માટે એકથી વધુ લોકોને એડમિન બનાવી શકાશે. તેનો ફાયદો એ થશે કે મોટી ચેનલને મેનેજ કરવામાં સરળતા રહેશે. એવું કહેવામાં આવી રહ્યું છે કે એક ચેનલ માટે 16 એડમિનિસ્ટ્રેટર બનાવવામાં આવી શકે છે.
