પંજાબના પટિયાલામાં ગુરુદ્વારાની અંદર એક મહિલાની સનસનાટીભરી હત્યાના સમાચારે હલચલ મચાવી દીધી છે. વાસ્તવમાં આરોપ છે કે મહિલા ગુરુદ્વારામાં બનેલા તળાવ પાસે દારૂ પી રહી હતી. જે બાદ ત્યાં હાજર એક વ્યક્તિ ગુસ્સાથી લાલ થઈ ગયો અને તેણે મહિલા પર ગોળીબાર કર્યો. મહિલાને હોસ્પિટલ લઈ જતાં ડોક્ટરે તેને મૃત જાહેર કરી હતી.
પટિયાલાના વરિષ્ઠ પોલીસ અધિક્ષક વરુણ શર્માએ સોમવારે સવારે જણાવ્યું હતું કે પટિયાલાના ગુરુદ્વારા સંકુલમાં કથિત રીતે દારૂ પીવાના કારણે એક મહિલાની ગોળી મારીને હત્યા કરવામાં આવી હતી. પોલીસના જણાવ્યા અનુસાર હત્યાની આ ઘટના રવિવારે સાંજે બની હતી. પોલીસે જણાવ્યું કે મરનાર મહિલાનું નામ પરમિંદર કૌર છે. આ મહિલાએ કથિત રીતે દુઃખનિવારન સાહિબ ગુરુદ્વારાના “સરોવર” પાસે દારૂ પીધો હતો.
અર્બન એસ્ટેટ ફેઝ 1 ના રહેવાસી નિર્મલજીત સિંહને દારૂ પીતા જોઈને ગુસ્સે થઈ ગયો અને 32 વર્ષીય મહિલા પર અનેક ગોળીબાર કર્યો. મળતી માહિતી મુજબ, નિર્મલજીત સિંહ નિયમિત રીતે ગુરુદ્વારા આવતા હતા. પોલીસ સુપરિન્ટેન્ડેન્ટ વરુણ શર્માએ જણાવ્યું કે, ‘પરમિન્દર કૌર ગુરુદ્વારા દુઃખનિવારન સાહિબના સરોવર પાસે દારૂ પી રહી હતી. જ્યારે સંગતને આ વાતની જાણ થઈ ત્યારે તેઓએ તેને મેનેજરની ઓફિસમાં લઈ જવાનું નક્કી કર્યું. જોકે, ત્યાં હાજર નિર્મલજીત સિંહ સૈની નામના વ્યક્તિએ ગુસ્સામાં આવીને મહિલાને ગોળી મારી દીધી હતી.
પોલીસ પાસેથી પ્રાપ્ત માહિતી અનુસાર, “નિર્મલજીતે તેની 32 બોરની લાયસન્સવાળી રિવોલ્વરથી મહિલા પર 5 રાઉન્ડ ફાયરિંગ કર્યું. પોલીસે જણાવ્યું કે ઘટના બાદ પરમિંદર કૌરને હોસ્પિટલ લઈ જવામાં આવી હતી, પરંતુ ડૉક્ટરોએ તેને મૃત જાહેર કરી હતી. તે જ સમયે, ફાયરિંગની આ ઘટનામાં એક વ્યક્તિ પણ ઘાયલ થયો હતો, જેને હોસ્પિટલમાં દાખલ કરવામાં આવ્યો છે. હાલ તેની હાલત ખતરાની બહાર જણાવવામાં આવી રહી છે. અહીં પોલીસે આરોપીની ધરપકડ કરી છે. મળતી માહિતી મુજબ મહિલાની હત્યા કરનાર આરોપી પ્રોપર્ટી ડીલર છે અને તેનો કોઈ ગુનાહિત ઈતિહાસ નથી.
