આગામી લોકસભા ચૂંટણી પહેલા, YSR તેલંગાણા પાર્ટીના સંસ્થાપકએ તેમની પાર્ટીને કોંગ્રેસમાં વિલીન કરી દીધી છે. વાયએસ શર્મિલા દિલ્હીમાં કોંગ્રેસના રાષ્ટ્રીય અધ્યક્ષ મલ્લિકાર્જુન ખડગે અને કોંગ્રેસ નેતા રાહુલ ગાંધીની હાજરીમાં કોંગ્રેસમાં જોડાઈ હતી.
વાયએસ શર્મિલા આંધ્ર પ્રદેશના મુખ્ય પ્રધાન વાયએસ જગન મોહન રેડ્ડીની નાની બહેન અને અવિભાજિત આંધ્ર પ્રદેશના ભૂતપૂર્વ મુખ્ય પ્રધાન સ્વર્ગસ્થ વાયએસ રાજશેખર રેડ્ડીની પુત્રી છે.
કોંગ્રેસ દેશની સૌથી મોટી સેક્યુલર પાર્ટી છેઃ વાયએસ શર્મિલા
કોંગ્રેસમાં જોડાવા પર ખુશી વ્યક્ત કરતા તેમણે કહ્યું, “આજે હું વાયએસઆર તેલંગાણા પાર્ટીને કોંગ્રેસ પાર્ટીમાં વિલય કરીને ખૂબ જ ખુશ છું. મને ખૂબ જ ખુશી છે કે YRS તેલંગાણા પાર્ટી આજથી ભારતીય રાષ્ટ્રીય કોંગ્રેસનો ભાગ બનવા જઈ રહી છે. કોંગ્રેસ પાર્ટી આજે પણ આપણા દેશની સૌથી મોટી સેક્યુલર પાર્ટી છે.”
જણાવી દઈએ કે, શર્મિલાએ આ પહેલા બુધવારે ઈડુપુલાપાયાની મુલાકાત દરમિયાન કોંગ્રેસમાં જોડાવાની ઈચ્છા જાહેર કરી હતી.
તેમણે તેલંગાણા વિધાનસભા ચૂંટણીમાં કોંગ્રેસને સમર્થન આપ્યું હતું
તેણીએ તેલંગાણા વિધાનસભા ચૂંટણી પહેલા કહ્યું હતું કે, “હું કોંગ્રેસ પાર્ટીને સમર્થન આપી રહી છું કારણ કે કોંગ્રેસ પાર્ટી પાસે તેલંગાણા વિધાનસભાની ચૂંટણી જીતવાની સંભાવના છે. KCRએ તેમના 9 વર્ષના કાર્યકાળ દરમિયાન લોકોને આપેલા એકપણ વચનને પૂર્ણ કર્યું નથી.” અને આ જ કારણ છે કે હું નથી ઈચ્છતો કે કેસીઆર સત્તામાં આવે.
તેલંગાણામાં કોંગ્રેસે પહેલીવાર પૂર્ણ બહુમતી સાથે સરકાર બનાવી છે
તાજેતરમાં યોજાયેલી તેલંગાણા વિધાનસભાની ચૂંટણીમાં કોંગ્રેસે 119માંથી 64 બેઠકો જીતીને પ્રથમ વખત પૂર્ણ બહુમતી હાંસલ કરી છે. ભારત રાષ્ટ્ર સમિતિએ 38 બેઠકો જીતી હતી. પાર્ટીના સૂત્રોના જણાવ્યા અનુસાર લોકસભા ચૂંટણી અને આંધ્રપ્રદેશ રાજ્યની વિધાનસભાની ચૂંટણી પહેલા શર્મિલાને કોંગ્રેસમાં મહત્વપૂર્ણ પદ આપવામાં આવે તેવી શક્યતા છે.
