હોંગકોંગના ગાયક કોકો લીનું બુધવારે અવસાન થયું. કોકો લીની બહેનોએ સોશિયલ મીડિયા પોસ્ટ દ્વારા ખુલાસો કર્યો હતો કે ગાયિકાએ આત્મહત્યાનો પ્રયાસ કર્યો હતો જેના પછી તે કોમામાં સરી ગઈ હતી.
કોકો લીની બહેનો કેરોલ અને નેન્સીએ જણાવ્યું હતું કે લી થોડા વર્ષોથી ડિપ્રેશનથી પીડિત હતી અને રવિવારે તેણે આત્મહત્યાનો પ્રયાસ કર્યો હતો. તેણીને તાત્કાલિક અસરથી હોસ્પિટલમાં દાખલ કરવામાં આવી હતી, પરંતુ તે કોમામાં સરકી ગઈ હતી અને બુધવારે તેનું મૃત્યુ થયું હતું.
:max_bytes(150000):strip_icc():focal(718x399:720x401)/Coco-Lee-01-070523-5112b189ba8d4aaaa1ea6a984b96e76d.jpg)
લીએ ઘણી લોકપ્રિયતા મેળવી હતી
48 વર્ષીય લીની લગભગ 30 વર્ષની સિંગિંગ કારકિર્દી છે. પશ્ચિમી હિપ-હોપ સાથેના R&B સાઉન્ડના તેના ફ્યુઝનથી તેણીને ભારે લોકપ્રિયતા મળી. રિપોર્ટ અનુસાર, લીનો જન્મ હોંગકોંગમાં થયો હતો અને તેનો ઉછેર સાન ફ્રાન્સિસ્કોમાં થયો હતો.
કેરોલ અને નેન્સીએ લીની સિદ્ધિઓને પ્રકાશિત કરતી પોસ્ટમાં લખ્યું છે કે છેલ્લાં 29 વર્ષોમાં, લીએ બેસ્ટ-સેલિંગ ગીતો સાથે અસંખ્ય આંતરરાષ્ટ્રીય પ્રસંશા મેળવી છે અને લાઇવ શો દ્વારા પ્રેક્ષકોને પ્રભાવિત કર્યા છે. અમને તેમના પર ગર્વ છે!
