વિજેતાઓને ઇનામો આપીને સન્માનિત કરાયા
જૂનાગઢ:જુનાગઢમાં જુનાગઢ ખોડીયાર ગૃપ યુવક મંડળ ટ્રસ્ટ દ્વારા ચોથી વખત જનરલ નોલેજ લેખિત સ્પર્ધા યોજાઈ હતી.
જેમાં ધો. ૬ થી ૧૨ સુઘીનાં વિદ્યાર્થીઓએ ભાગ લીધો હતો.
આ સ્પર્ધામાં માત્ર ૧૪ વિદ્યાર્થીઓને પ્રવેશ આપવામાં આવેલ હતો.
પરીક્ષા પુરી થયાં બાદ તરતજ પરિણામ તૈયાર કરી ૧ થી ૩ નંબરનાં વિજેતાઓને પ્રમાણપત્ર અને ઈનામો આપી સન્માનિત કરાયા હતા. તેમજ તમામ વિદ્યાર્થીઓને પણ પ્રોત્સાહન ઈનામો આપવામાં આવ્યા હતા.
આ કાર્યક્રમમાં જુનાગઢનાં સામાજીક કાર્યકરો પ્રતિકભાઈ મિશ્રાણી, જયશ્રીબેન ગાલોરીયા, મિતલબેન રાડા, રમીલાબેન ઘુચલા, રોશનીબેન ઘુચલા વગેરે ઉપસ્થિત રહ્યાં હતાં.
આ કાર્યક્રમને સફળ બનાવવા સંસ્થા નાં પ્રમુખ નરેન્દ્ર ઘુચલાએ જહેમત ઉઠાવી હતી.
