બલરાજ સાહનીએ તેમની ફિલ્મોમાં તે સમયના ભારતની કહાની બતાવી અને સામાન્ય લોકોના જીવનને મોટા પડદા પર લાવ્યા. બલરાજ સાહનીએ પોતાના ફિલ્મી કરિયરમાં મીના કુમારી, નરગીસ અને નૂતન જેવી અભિનેત્રીઓ સાથે કામ કર્યું હતું. આજે પણ લોકો બલરાજ સાહનીની ફિલ્મો જોવાનું પસંદ કરે છે. બલરાજ સાહનીની ફિલ્મોની સાથે ગીતો પણ હિટ રહ્યા હતા.
બલરાજ સાહની ની ફિલ્મો
ફિલ્મઃ ધરતી કા લાલ
વર્ષ 1946માં રિલીઝ થયેલી ફિલ્મ ‘ધરતી કા લાલ’માં બંગાળમાં પડેલો દુકાળ અને ખેડૂતોની હાલત બતાવવામાં આવી હતી. આ એ સમય હતો જ્યારે ખેડૂતોનું શોષણ થતું હતું. બલરાજ સાહનીની આ ફિલ્મના ખૂબ વખાણ થયા હતા.
ફિલ્મ: દો બીઘા જમીન
બિમલ રોય દ્વારા નિર્દેશિત બલરાજ સાહનીની ફિલ્મ ‘દો બીઘા જમીન’ આંતરરાષ્ટ્રીય પુરસ્કાર જીતનારી પ્રથમ ભારતીય ફિલ્મ બની હતી. આ ફિલ્મમાં બલરાજ સાહનીએ નિરુપા રોય સાથે સ્ક્રીન શેર કરી હતી.
ફિલ્મ: વક્ત
વર્ષ 1965માં રિલીઝ થયેલી બલરાજ સાહનીની મલ્ટિસ્ટારર ફિલ્મ ‘વક્ત’ની વાર્તા અને ગીતો આજે પણ દર્શકોને પસંદ છે. આ ફિલ્મમાં રાજકુમાર, શશિ કપૂર, શર્મિલા ટાગોર, સાધના, જીવન જેવા મજબૂત કલાકારો હતા. ફિલ્મનું ગીત ‘અય મેરી ઝોહરાઝબીન’ આજે સાંભળવા મળે છે.
ફિલ્મઃ ઘર સંસાર
વર્ષ 1958માં રિલીઝ થયેલી ફિલ્મ ‘ઘર સંસાર’ સુપરહિટ સાબિત થઈ હતી. આ ફિલ્મમાં નરગીસે બલરાજ સાહનીની પત્નીનો રોલ કર્યો હતો. વીએમ વ્યાસ દ્વારા નિર્દેશિત, આ ફિલ્મમાં રાજેન્દ્ર કુમાર અને કુમકુમ પણ મુખ્ય ભૂમિકામાં હતા.
ફિલ્મઃ કાબુલીવાલા
ફિલ્મ ‘કાબુલીવાલા’ની વાર્તા રવીન્દ્રનાથ ટાગોરની વાર્તા કાબુલીવાલા પર આધારિત હતી. વર્ષ 1961માં રિલીઝ થયેલી આ ફિલ્મમાં બલરાજ સાહનીએ અબ્દુલ રહેમાન ખાન કાબુલીવાલાની ભૂમિકા ભજવી હતી.
