બોલિવૂડ એક્ટર શાહરૂખ ખાન સ્ટારર બહુપ્રતિક્ષિત ફિલ્મ ‘જવાન’નું પહેલું ગીત ‘ઝિંદા બંદા’ આજે રિલીઝ થયું છે. આ ગીતને ભૂષણ કુમારની ટી-સીરીઝની ઓફિશિયલ યુટ્યુબ ચેનલ પર સ્ટ્રીમ કરવામાં આવી રહ્યું છે. ગીતમાં શાહરૂખ ખાન ફુલ એનર્જી સાથે ડાન્સ કરતો જોવા મળી રહ્યો છે. શાહરૂખ ખાને આજે સવારે પોતાના ટ્વિટર હેન્ડલ દ્વારા તેના ચાહકોને ફિલ્મના પ્રથમ ગીતની રિલીઝની જાણકારી આપી હતી.
આ ગીતનું કોરિયોગ્રાફ શોબી દ્વારા કરવામાં આવ્યું છે જ્યારે ઇર્શાદ કામિલે ગીતો લખ્યા છે અને અનિરુદ્ધ રવિચંદરે તેને કમ્પોઝ કર્યું છે અને અનિરુદ્ધ રવિચંદરે ગીતને પોતાનો અવાજ આપ્યો છે. જણાવી દઈએ કે આ ગીતનું શૂટિંગ પાંચ દિવસમાં પૂર્ણ થયું હતું. જેની અસર આ ગીતમાં જોવા મળી રહી છે. શાહરૂખ ખાનના એનર્જીથી ભરપૂર ડાન્સ મૂવ્સ જોઈને તેના ફેન્સ ડાન્સ કરવા મજબૂર થઈ ગયા છે.
ફિલ્મ ‘જવાન’નું આ પહેલું ગીત હિન્દીમાં ‘ઝિંદા બંદા’, તમિલમાં ‘વંધા આદમ’ અને તેલુગુમાં ‘ધુમ્મે ધૂલીપેલા’ તરીકે રિલીઝ કરવામાં આવ્યું છે. રેડ ચિલીઝ એન્ટરટેઈનમેન્ટ દ્વારા પ્રસ્તુત, ‘જવાન’ એટલી દ્વારા નિર્દેશિત છે જ્યારે ફિલ્મ ગૌરી ખાન દ્વારા નિર્મિત છે અને ગૌરવ વર્મા દ્વારા સહ-નિર્માતા છે. ફિલ્મ ‘જવાન’ 7 સપ્ટેમ્બર, 2023ના રોજ વિશ્વભરના સિનેમાઘરોમાં હિન્દી, તમિલ અને તેલુગુ ભાષાઓમાં રિલીઝ થશે.
