ડેન્ડ્રફની સમસ્યા કોઈપણ ઋતુમાં કોઈને પણ પરેશાન કરી શકે છે. ડ્રાયનેસ, ઓઇલી સ્કિન, પ્રદૂષણ, પોષણનો અભાવ અને વાળની સ્વચ્છતાના અભાવને કારણે પણ ડેન્ડ્રફની સમસ્યા થઇ શકે છે. આના કારણે માથાની ચામડીમાં હંમેશા ખંજવાળ રહે છે અને ક્યારેક તે અકળામણનું કારણ પણ બની શકે છે. જો તમે પણ આ સમસ્યાથી પરેશાન છો, તો અહીં આપેલા ઘરેલું ઉપાય અજમાવો. જેની મદદથી તમે એક અઠવાડિયામાં આ સમસ્યાથી છુટકારો મેળવી શકો છો.
ડેન્ડ્રફ દૂર કરવા માટે અસરકારક ઘરગથ્થુ ઉપાય
મધ-નાળિયેર તેલનો માસ્ક
આ માટે તમારે મધની જરૂર છે. મધ માથાની ચામડીની ભેજ જાળવી રાખે છે. તેના બળતરા વિરોધી ગુણધર્મો વાળના સ્વાસ્થ્ય માટે અત્યંત ફાયદાકારક છે. ડેન્ડ્રફથી છુટકારો મેળવવા માટે મધ સાથે હેર માસ્ક બનાવો.
આ માટે મધમાં નારિયેળનું તેલ મિક્સ કરીને સીધા વાળમાં લગાવો. માથા પર 15 થી 20 મિનિટ સુધી રાખ્યા બાદ વાળને ધોઈ લો. તમે પોતે જ ફરક જોશો. આ પેક વાળની ચમક પણ વધારે છે.
દહીં, ઓલિવ ઓઈલ અને કોકોનટ ઓઈલ માસ્ક
ડેન્ડ્રફ દૂર કરવા માટે દહીંમાં મધ મિક્સ કરીને હેર માસ્ક તૈયાર કરો. આ માટે એક બાઉલમાં દહીં, મધ લો. તેમાં એક ચમચી ઓલિવ તેલ અને એક ચમચી નારિયેળ તેલ ઉમેરો. બધું બરાબર મિક્સ કરીને વાળમાં લગાવો અને હળવા હાથે મસાજ કરો. અડધો કલાક રાખો પછી ધોઈ લો. જો તમારી પાસે સમય હોય, તો તમે તેને થોડો વધુ સમય માટે રાખી શકો છો. માથું ધોયા પછી, તમે જોશો કે કેવી રીતે ડેન્ડ્રફ ઓછો થયો છે. આ ઉપાય અઠવાડિયામાં બે થી ત્રણ વખત વાપરી શકાય છે. આ ઉપાય તમામ પ્રકારના વાળ પર ખૂબ જ અસરકારક છે.
